5 қазан - Ұстаздар мерекесіне орай, №13 колледждің «SAMRUK» өзін-өзі басқару ұйымындағы белсенді жастар мен көркемөнерпаздар үйірмесі жетекшілерінің ұйымдастыруымен «ҰСТАЗЫМ, ҰАЛАҒАТЫМ, ҮЛГІ-ӨНЕГЕМ!» атты мерекелік концерт болып өтті. Барша студенттер колледж ұстаздары мен ұжымның бала болашағы үшін жасалып жатқан ерен еңбектерін бағалайды, құрметтейді. Барлық қадірлі ұстаздарға, отбасыларына амандық , дендеріне саулық тілей келе, колледж студенттері мекеме оқытушыларын төл мерекелерімен шын жүректен құттықтайды!

Іс-шараны колледждің директордың оқу жұмысы жөніндегі орынбасары Шынаев Нұржігіт Нұрмағамбетұлы ашып беріп, колледжде бірнеше жылдан бері аянбай еңбек етіп келе жатқан ұстаздарға арнайы Келес аудан әкімі Ағыбаев Жәнібек Есенұлының, Абай ауыл әкімі Ерғали Абдирахманов Тастемірұлының және колледж басшысы Қозыбаев Жақсылық Ақылбекұлының алғыс хаттарын тапсырды. Мерекелік кеште қонақ болып келген "Қошқар ата" ауыл округінің "Үміт" әжелер ұйымының мүшесі Құрышбаева Ұлбақша апа, Келес ауданы әжелер алқасының төрайымы Әземкулова Әділет әже, Келес ауданы аналар кеңесінің төрайымы Сәрсенбаева Гүлбала аналарымызды сөзге шығып, ұстаздарға деген ыстық ықыласын, жүрек жарды тілектерін білдірді.